東網電視
更多新聞短片
達米安馬天尼斯今屆歐聯只失1球。(Getty Images)
周四(28日)凌晨歐聯，阿士東維拉主場0比0悶和祖雲達斯，門將達米安馬天尼斯下半場作出「極限神救」，喺個波完全入晒白界前拗腰救出，用行動證明佢獲選為「最佳門將」係實至名歸。
今場歐聯開波前，馬天尼斯帶埋近2屆金球頒獎禮獲得嘅「耶辛獎」(最佳門將)出嚟展覽，之後再用行動證明自己「獎有應得」，65分鐘將法蘭斯高干斯卡奧門前2碼頭槌，喺白界前拗腰救出，鷹眼系統顯示個波當時已經「9成過界」，馬天尼斯撲慢0.1秒都要失波，最終兩隊踢成0比0。
維拉今屆歐聯5戰有3勝1和1負，5場比賽只失1球，統計顯示馬天尼斯今屆面對25次中目標攻門，有24次成功撲救。維拉領隊艾美利賽後表示：「拎到1分都好開心，不過我哋有努力嘗試去贏波，雙方都有機會，馬天尼斯救咗1個必入球，我哋完場前入波被判犯規亦太嚴苛。」
