東網電視
更多新聞短片
馬克古希願意重返車路士。(Getty Images)
今季成績反彈嘅車路士，嚟緊冬季轉會窗有意在中堅位置增兵，水晶宮英格蘭國腳馬克古希成為收購目標，據報車路士青訓出身嘅馬克古希亦有意回巢，成事機會唔低。
英國傳媒報道，馬克古希受多間英超球會垂青，預計明年1月水晶宮將會收到報價，主要係紐卡素同車路士競爭，而車路士處於領先地位。
24歲嘅馬克古希雖在車路士青訓出身，但從未上陣，初出道被外借到史雲斯，2021年正式轉投水晶宮至今，當日轉會條款中，車路士佔20%二次轉會分成，並有優先回購權，加上球員本身願意回巢，其他球隊可以話冇得爭。
據報今夏曾有球隊向水晶宮問價，水晶宮開出馬克古希9,000萬鎊天價轉會費，令求購者卻步，不過假如車路士洽購，將可以用較低轉會費購入。
