葉治神鋒成搶手貨　曼城有回購權

今夏由曼城轉投葉士域治嘅21歲中鋒利安戴納，憑住出色表現吸引各大豪門關注，據報各隊都派球探觀察戴納演出，生涯下一站必定加盟Big6球會，曼城擁有戴納回購權，可以召佢回巢。

戴納在打比郡青訓出身，後轉投曼城青訓並提拔上一隊，上陣6場入1球，近幾季外借到低組別球隊，今夏正式轉投葉士域治，轉會費2,000萬鎊，未過半季就攻入6球1次助攻，吸引曼聯及車路士等隊關注。

分析指，戴納屬於傳統中鋒類型，其身體素質突出，在高壓逼搶下仍能從容應付，加上出色嘅射術同盤扭，在英超統計嘅射門轉化率高達30%排第3位，過人成功更高達52%位列所有中鋒第1位，具備成為頂級射手潛力，一旦葉士域治降班，英超各豪門勢必出手，擁有回購權嘅曼城處於領先位置。