東網電視
更多新聞短片
夏積穆沙有望進軍英超。(Getty Images)
荷甲勁旅飛燕諾上輪歐聯，作客3比3逼和英超班霸曼城，其中22歲翼鋒夏積穆沙光芒四射，呢位阿爾及利亞右翼瘋狂爆破曼城防線嘅表現，已獲得利物浦、熱刺同李斯特城垂青，連飛燕諾總監都預言「留佢唔住」！
司職右翼嘅夏積穆沙今年夏天加盟飛燕諾，4場歐聯入咗2球，據英國《太陽報》報道，英超嘅熱刺同李斯特城都對佢表示興趣，就連利物浦亦有意加入戰團，要知道飛燕諾喺4月落實簽夏積穆沙嗰陣，正正係由依家利物浦主帥施洛拍板。
報道指飛燕諾對曼城賽後，球會總監高爾斯喺更衣室同夏積穆沙開玩笑：「你已經唔係飛燕諾球員，你去曼城更衣室啦，我將你賣咗畀佢哋！」高爾斯似乎都知道好難留得住夏積穆沙，預計呢位小將嘅轉會費約1,000鎊。
