東網電視
更多新聞短片
柏拉沙曾為厄瓜多爾踢世盃外。
曾經3次代表厄瓜多爾國家隊嘅柏拉沙，上星期日晚同一名朋友被綁架，厄瓜多爾警方周四(5日)宣布，喺同綁匪「駁火」後成功救出兩名肉參，兩人有受傷但並無生命危險。
厄瓜多爾警方透露，佢哋透過「反綁架及勒索小組」情報，鎖定綁匪將肉參喺哥倫比亞邊境一個鄉郊嘅木屋內，警方發言人華拉斯迪古表示：「兩名肉參受到好差嘅對待，但仍然生存。警方到達嗰陣，綁匪就開槍，我哋反擊後綁匪就逃走。」根據厄瓜多爾警方公開相片，兩名肉參喊住咁答謝警方拯救。
33歲嘅柏拉沙效力厄瓜多爾勁旅SC迪爾芬，踢後衞嘅佢曾3代表國家隊上陣，包括2場2022世盃外圍賽，協助國家隊出線決賽周。
