東網電視
更多新聞短片
馬利斯卡(左)成功幫車路士減低「彭馬依賴症」。(Getty Images)
車路士今季大翻身，現時排英超第2位，成為爭標份子，領隊馬利斯卡自爆「成功之道」，聲稱由接手執教第1日已講明會減少「彭馬依賴症」，事實證明策略成功，發揮出整體戰威力。
高爾彭馬上季英超入22球，僅次於艾寧夏蘭特，並有11次助攻，但車路士最終只得第6名。車路士今季入波球員分佈明顯比較平均，高爾彭馬各項事有9球進帳，尼高拉斯積遜入8球，馬度基入6球，尼干古更加轟入12球，有效分擔高爾彭馬嘅工作，並提升球隊攻力。
車路士出戰下周一(9日)凌晨英超作客熱刺前夕，馬利斯卡話：「如果你記得我加盟車路士第1次記招，當時我已經講過，唔可以每場比賽都依賴彭馬，我要做嘅事係令佢享受足球，用整體配合幫佢發揮最佳水平。」此外，馬利斯卡亦大讚防守中場摩西斯卡些度，認為佢媲美曼城中場洛迪卡斯簡迪，將來同高爾彭馬都有力問鼎金球獎。
