東網電視
更多新聞短片
利辛度馬天尼斯盯唔住尼高拉米連高域。(Getty Images)
曼聯喺英超兩連敗，而且3度被對手用角球攻勢入波，負責死球戰術嘅助教卡路士費南迪斯就受到質疑，被批評「戰術錯晒」。
利物浦名宿列納表示：「曼聯防守角球啲位置錯晒，依家英超死球情況最難搞嘅人，一個係加比爾馬加希斯、一個係基斯活特，曼聯竟然用曼紐爾烏加迪去盯，佢頂多得5呎10.....完全係錯配！」
同基斯活特一樣有6呎5身高嘅尼高拉米連高域，開紀錄一球就力壓得5呎9嘅利辛度馬天尼斯頂入，列納表示：「呢個就係問題，曼聯戰術出錯唔止一次。」列納茅頭直指制定死球戰術嘅卡路士費南迪斯。
卡路士費南迪斯只有30歲，曼聯陣中有6個球員比佢更大年紀，不過佢喺2018年開始已跟魯賓艾摩廉搵食，被視為得力助手。
