東網電視
更多新聞短片
坦哈格有望去德甲搵食。(Getty Images)
坦哈格10月底被曼聯解僱後，去向備受關注，德國《天空體育》早前爆料，指德甲勁旅RB萊比錫計劃換帥，並將坦哈格列為候選人。最新消息指曼聯準備出手收購RB萊比錫左後衞大衞拉林，但如果坦哈格成為RB萊比錫教練，勢必拒絕出售呢位猛將畀紅魔鬼。
RB萊比錫近5場聯賽僅1勝，落後德甲榜首拜仁慕尼黑9分，盛傳教練馬高路斯面臨被炒，會方甚至已有新帥名單，當中包括坦哈格。事實上，呢位54歲荷蘭名帥對於德國球壇並唔陌生，曾於2013至15年擔任拜仁慕尼黑二隊教練，所以早前傳出另1支德甲球隊多蒙特有意邀請坦哈格執教。
與此同時，由於勞基梳爾長期養傷，曼聯計劃簽入左閘，並睇中大衞拉林，但一旦坦哈格執教RB萊比錫，相信唔會放佢畀紅魔鬼。
前利物浦領隊高普將於下月正式擔任RB萊比錫所屬嘅「紅牛足球」全球策略主管，坦哈格最終能否成為RB萊比錫新帥，好大程度上要睇高普意願。
