東網電視
更多新聞短片
哥迪奧拿早前同曼城續約至2027年6月。(Getty Images)
曼城今季成績大倒退，領隊哥迪奧拿備受壓力，甚至被利物浦球迷嘲諷即將被炒，曼城出戰周四(12日)凌晨歐聯作客祖雲達斯前夕，呢位53歲西班牙名帥發表效忠宣言，表明唔會執教曼城以外嘅球會，誓要同「藍月亮」共同進退。
哥迪奧拿接受傳媒訪問時話：「執教曼城之後，我唔會再執教其他球會，就算離開英格蘭，都唔會擔任其他地方嘅球會主帥，當然可能會執教國家隊，但屬於唔同範疇。」哥迪奧拿早前同曼城續約至2027年6月，曾經傳出巴西國家隊有意邀請佢領軍，一旦哥帥將來離開曼城，可能會去南美洲搵食。
另外，曼城中堅文路爾艾簡治已經傷愈，可以復出對祖雲達斯。
