東網電視
更多新聞短片
鍾達希現時效力英冠球隊盧頓。(Getty Images)
根據內媒報道，中國國家足球隊為提升實力，出戰明年3月重開嘅世界盃外圍賽，爭取出線，正在積極招攬外籍球員成為歸化兵，目標包括擁有華裔血統嘅前曼聯中場鍾達希。
國足計劃邀請5位外籍球員加入國家隊，其中2位已經展開歸化手續，包括曾效力中超球隊滄州雄獅嘅外援奧斯卡，呢位25歲剛果民主共和國前鋒早前返回家鄉處理轉換國籍手續。
另外1位好可能加入國足嘅歸化兵係效力長春亞泰嘅29歲巴西中場沙真奴，佢已同國足主帥伊萬科維奇會面，表示願意歸化。
至於其餘3位目標人物，仲包括鍾達希，呢位25歲中場曾經為荷蘭U21等各級別青年軍比賽，但未踢過大國腳，現時效力英冠球隊盧頓，至於能否說服佢代表中國隊，仍然係未知之數。
