東網電視
更多新聞短片
周三（11日）美職勁旅國際邁亞密宣布，中場迪亞高高美斯於下年1月冬季轉會窗重開後轉戰英超，加盟白禮頓，佢只係做咗美斯隊友1年，身價飆升，令國際邁亞密低買高賣賺番筆。
國際邁亞密王牌美斯唔單止好波，亦有能力令身邊嘅隊友進步，帶挈佢哋升呢，迪亞高高美斯就係例子之一，佢今季入6球兼交出6次助攻，協助國際邁亞密稱霸常規賽，呢位21歲巴拉圭國腳1年前先以270萬歐元加盟，依家以最高可達1,700萬歐元轉會費改投白禮頓，國際邁亞密一轉手就賺1,430萬歐元，可見貴為球王，美斯唔單止吸金力強，亦令球隊同隊友升值。
