東網電視
更多新聞短片
基利安麥巴比上場歐聯射入1球，但踢到36分鐘傷出。(Getty Images)
皇馬前鋒基利安麥巴比上場歐聯對阿特蘭大，受傷退下火線，經過檢查之後，會方證實呢位法國球星左腳大腿受傷，需要休息一段時間，西班牙傳媒指「麥總」最少缺陣10日，無緣為「銀河艦隊」出戰下周中喺卡塔爾舉行嘅洲際盃決賽。
基利安麥巴比上場歐聯射入1球，但踢到36分鐘傷出，當時教練安察洛堤表示「麥總」傷勢並唔嚴重，現時估計佢起碼缺陣2場比賽，包括周日(15日)凌晨西甲作客華歷簡奴，以及下周四(19日)凌晨洲際盃決賽，迎戰帕丘卡對艾阿里嘅勝方。
如果基利安麥巴比康復進度順利，將可以復出踢12月22日晚西甲主場對西維爾，呢場係皇馬今年最後1戰。「麥總」今季加盟皇馬以來，各項賽事上陣22場，射入12球及2次助攻，近4次披甲有3次取得入球，表現漸入佳境，可惜卻遇上傷患問題。
