東網電視
更多新聞短片
迪亞高李安助攻能力出色。
曼聯左後衞勞基梳爾長期養傷，令防線左路成為球隊一大漏洞，根據「轉會權威」記者羅曼諾(Fabrizio Romano)爆料，紅魔鬼已接近同波特諾達成協議，將會簽入呢支巴拉圭球隊嘅17歲左閘迪亞高李安，作為勞基梳爾接班人。
據悉曼聯高層韋確斯親自處理今次收購，斥資500萬美元(約3,900萬港元)固定轉會費向波特諾收購迪亞高李安，合約包括獎金條款，如果迪亞高李安表現合乎要求，波特諾可以再獲得額外收入。
兩間球會已經接近完成交易，曼聯方面現時主要同迪亞高李安傾薪酬待遇條件，相信佢會同意成「魔」。
迪亞高李安至今為波特諾上陣19次，並有2球進帳，助攻能力出色，非常適合曼聯主帥魯賓艾摩廉慣用嘅3421陣式之中嘅左翼衞位置。阿仙奴曾經有意簽入迪亞高李安，依家被曼聯捷足先登。
