東網電視
更多新聞短片
利物浦想簽祖奧柏度代替達雲紐尼斯。(Getty Images)
利物浦今季成績突出，穆罕默德沙拿嘅巔峰表演係最大原因，其餘球員亦有出色表現，不過烏拉圭前鋒達雲紐尼斯就斯人獨憔悴，今季上陣19場只得3個入球，受到唔少球迷批評，傳聞利物浦已睇中白禮頓前鋒祖奧柏度，意味達雲紐尼斯將被放棄。
達雲紐尼斯對上一個入波已經係1個月前，周中歐聯對基羅納浪費兩次黃金機會，消息指佢未能適應施洛嘅戰術要求，本來佢嘅把握力已經唔好，依家連埋門機會都少咗，入球產量自然大減，同佢當年喺葡超一季入34球有極大落差。
據巴西媒體《UOL》報道，利物浦已經鎖定白禮頓前鋒祖奧柏度為目標，呢位巴西前鋒今季9場聯賽就有4入波同3助攻，全能演出更適合施洛對「9號」嘅要求。白禮頓喺2023年夏天用3,000萬鎊收購祖奧柏度，預料依家至少升值1倍。
