東網電視
更多新聞短片
蘇斯克查有望重返英超。
狼隊喺英超4連敗，目前排聯賽榜尾2位置，降班危機嚴重，加上近期差劣嘅紀律問題，周日(15日)會方官宣辭退領隊加利奧尼爾。狼隊周六(14日)對葉士域治一仗，前曼聯領隊蘇斯克查就喺球場現身，即時瘋傳佢將接狼隊帥印，更被博彩公司列為下任領隊大熱。
蘇斯克查自2021年離開曼聯後，至今一直未有落班，佢曾拒絕丹麥國家隊同挪超母會莫迪嘅聘約，今場突然現身狼隊主場，據報係同葉士域治領隊、昔日喺曼聯嘅助教基蘭麥堅拿見面，但佢同時亦有同狼隊助教傾偈，喺狼隊呢個風頭火勢時刻，「蘇B」出現自然火上加油。
博彩公司BET VICTOR，已將蘇斯克查列為2倍嘅「下任狼隊領隊」頂頭大熱。如果蘇斯克查執教狼隊，加上雲尼斯達萊(李斯特城)同基蘭麥堅拿(葉士域治)，英超嘅「曼聯系」領隊將日益壯大。
