東網電視
更多新聞短片
泰比(右)被曼聯球迷視為史上最差門將。
曼聯近期3連敗失咗9球，門將奧拿拿再次返到不斷「派膠」嘅黑暗日子，被唔少球迷視為曼聯「史上最差龍門」嘅泰比，近日就向奧拿拿提出忠告，呼籲佢「早走為妙」！
現年54歲嘅意大利門將泰比，喺1999年加盟曼聯，為球隊上陣嘅4場比賽當中，對修咸頓炮製過經典「痾蛋」一幕，被曼迷視為「史上最差龍門」。對於奧拿拿依家受到千夫所指，作為「過來人」嘅泰比就叫佢盡早抽身。
表示表示：「我會直接同奧拿拿講，佢係英超甚至歐洲最佳門將之一，但依家確實係水準以下，佢要重新思考，如果到季尾情況不變就要抽身。曼聯嘅環境唔適合佢，佢嘅用波能力更適合意甲同法甲，英超門將需要唔同嘅技術配置，奧拿拿根本唔應該離開國際米蘭，轉會曼聯嘅冒險係完全失敗。」
