東網電視
更多新聞短片
祖漢杜蘭將要停賽3場。(Getty Images)
阿士東維拉前鋒祖漢杜蘭上場對紐卡素爭議性被逐，維拉即時提出上訴，不過英格蘭足總周六(28日)極速駁回，意味呢位哥倫比亞前鋒將即時停賽3場。
祖漢杜蘭喺對紐卡素一仗，疑似失平衡下踩中法比安舒哈背脊而被逐，而且因為屬於「暴力行為」要停賽3場，領隊艾美利賽後怒轟判決過嚴，亦冇明顯證據見到祖漢杜蘭蓄意踩人。不過英足總就極速否決維拉嘅上訴，確定祖漢杜蘭停賽3場。
21歲嘅祖漢杜蘭將缺陣周二(31日)凌晨對白禮頓，以及之後對李斯特城同英足盃對韋斯咸3仗，早前被搶走正選位置嘅英格蘭前鋒奧尼屈堅斯，將有機會重奪正選席位。
