簡拿華路執教薩格勒布　第1擊砌阿仙奴

克羅地亞勁旅薩格勒布戴拿模周一(30日)宣布，意大利名將簡拿華路成為球會新教練，呢位前中國隊主帥喺新球會第1擊，將會係1月底歐聯作客英超勁旅阿仙奴。

薩格勒布戴拿模總監馬歷表示：「新教練具備帶領球隊重返克羅地亞聯賽巔峰嘅條件，佢好有魅力同經驗，喺中國亦成為冠軍，簡拿華路對成功嘅渴求，會帶領我哋成為冠軍。」

51歲嘅簡拿華路係意大利贏06年世盃冠軍功臣，佢當年隊友加度素，依家執教另一克羅地亞勁旅夏德，兩位意大利教頭將會展開冠軍爭逐戰。克羅地亞聯賽目前進入歇冬期，1月23日作客阿仙奴嘅歐聯賽事，會係簡拿華路領軍首場正式比賽。