東網電視
更多新聞短片
唐道碧（左）阻止陳肇鈞突破。（鄧文滔攝）
1/3
港會周日（5日）在「中銀人壽香港超級聯賽」，以2比0擊敗大埔，終止對方今季聯賽不敗走勢，其中自2013年起展開職業生涯，本季重返港超賽場的唐道碧（Toby），攻入職業生涯首球，他坦言過往效力大埔時，有很多難忘片段，故取得「士哥」後，心情非常矛盾。
Toby今季重返港超加盟港會，是役完半場前更收穫生涯首球，助球隊贏2比0，但他感嘆2018至20年效力「綠戰士」期間，得到很多珍貴回憶，對攻破舊主大門感觸良多：「我由2013年開始踢職業，雖然中間有5年因為讀書冇再踢，但我依然咁鍾意踢波，所以入波嗰吓真係好開心，但當諗到效力大埔嗰陣有咁多難忘回憶，仲試過一齊贏聯賽冠軍，內心就有啲唔舒服。」
連同今仗，港會在聯賽收穫兩連勝，Toby指球隊目前士氣如虹，盼繼續為列強製造麻煩：「大埔踢法好硬淨，要贏佢哋冇捷徑，一定要Fight！Fight！Fight！好在大家冇退縮，證明努力係有回報，希望之後對住邊隊，都可以咬到最後。」
完場一刻，唐道碧與隊友相擁。（鄧文滔攝）
唐道碧（左）在主教練谷卓斯手中接過「全場最佳球員」獎座。（鄧文滔攝）
