東網電視
更多新聞短片
拉舒福特(左)可能成為基華拉斯基利亞(右)替身。(Getty Images)
拿玻里翼鋒基華拉斯基利亞轉會一事再有新發展，教練干地表示，呢位23歲格魯吉亞國腳要求立即離隊，已經無法挽留，盛傳拿玻里計劃簽入曼聯前鋒拉舒福特填補空缺。
基華拉斯基利亞早前已拒絕續約，現時更要求趁今個月轉會市場開啟離隊，干地承認有關消息：「我同基華傾過，佢確定要立即離隊，球會同經理人正在處理有關工作。」據悉巴黎聖日耳門(PSG)、利物浦、曼聯等多間大球會都有意簽入基華拉斯基利亞，當中以PSG最有誠意，向佢開出比現時多4至5倍嘅人工。
呢位翼鋒目前周薪只有4萬歐元(約32萬港元)，屬於「低薪一族」，拿玻里要求8,000萬歐元(約6.4億港元)轉會費，但隨住基華拉斯基利亞去意已決定，會方可能需要讓步減價。
拿玻里已做定兩手準備，一旦基華拉斯基利亞離隊，就會爭取簽入拉舒福特，干地對於曼聯球員情有獨鍾，今季收購紅魔鬼中場麥湯米尼，加上盧卡古亦踢過曼聯，拉舒福特轉投拿玻里，應該好易適應新環境。
