東網電視
更多新聞短片
哈利馬古尼(中)上仗加時傷出。(Getty Images)
曼聯將於周五(17日)凌晨英超主場對榜尾修咸頓，紅魔鬼面臨防線人腳不整問題，除咗左後衞達洛治需要停賽之外，中堅哈利馬古尼因為有傷在身，可能缺陣今場「護級大戰」。
達洛治上場英足盃對阿仙奴，領紅牌被逐，需要停賽1場，領隊魯賓艾摩廉今場惟有焗用表現欠佳嘅杜維爾馬拉西亞出任正選左閘。
屋漏偏逢連夜雨，哈利馬古尼上仗踢到加時受傷，被換離場，加上呢位英格蘭國腳上周曾經患感冒，身體狀況唔想理，可能無法趕及今場復出。艾摩廉使用「3中堅」陣式後，馬古尼發揮重要作用，如果佢缺陣，難免令防線不穩。
曼聯現時排英超15位，領先尾三狼隊7分，今場對修咸頓，被網民嘲諷係「護級大戰」。另外，曼聯都有好消息，艾摩廉透露養傷多時嘅左閘勞基梳爾有望2星期內復出。
