東網電視
更多新聞短片
威廉沙列巴(左)屬於阿仙奴防線不可缺少一員。(Getty Images)
阿仙奴中堅威廉沙列巴因為受傷，缺陣上場英超對阿士東維拉，賽後領隊阿迪達表示，呢位23歲法國國腳嘅傷勢令人擔心，似乎情況唔樂觀。
據悉威廉沙列巴今次係腿筋受傷，無法上陣，導致兵工廠今場防線大執位，右後衞祖利安添巴移入中路，中場湯馬士柏迪客串右閘，結果領先下，連失2球，被維拉逼和2比2。
阿仙奴主帥阿迪達賽前表示威廉沙列巴傷勢輕微，但賽後改口風話：「我哋都好擔心沙列巴嘅情況，等緊檢查報告。」威廉沙列巴今季英超上陣20場，並有2球進帳，佢唔只防守穩陣，而且喺角球進攻戰術發揮重要作用，如果威廉沙列巴長抖，勢必削弱兵工廠攻守能力。
