東網電視
更多新聞短片
艾寧夏蘭特今場又有入波。(Getty Images)
周一(20日)凌晨英超，曼城踢出近期代表作，作客6比0大勝葉士域治，近4場聯賽3勝1和全面復甦。曼城嚟緊將面對聯賽「地獄賽程」，未來6場對手係車路士、阿仙奴、紐卡素、利物浦、熱刺同諾定咸森林，場場都係硬仗！
曼城27分鐘由菲爾科頓打開缺口，3分鐘後高華錫遠射建功，菲爾科頓完半場前再入多球，拎住3球優勢返更衣室。換邊後曼城繼續施壓，謝利美杜古、艾寧夏蘭特同新人占士麥艾迪分別建功，助曼城狂勝6比0，暫時重返前4位置。
曼城將面對英超地獄賽程，好在主力及時回勇，菲爾科頓踏入2025年後已入5球，位列英超之冠，佢賽後表示：「今場係我哋今季踢得最好嘅比賽，球隊依家狀態不斷上升，最重要係保持健康。我想繼續爭取入球，目標係保住前4位置。」
