東網電視
更多新聞短片
馬田泰利亞重傷提早收咧。(Getty Images)
利華古遜近期重返巔峰，上場聯賽3比1贏慕遜加柏後，各項賽事錄得12連勝，可惜日前傳出噩耗，翼鋒馬田泰利亞因跟腱撕裂嚴重受傷，今季將會提早收咧，教練沙比阿朗素已經提出買人要求。
27歲嘅馬田泰利亞上年由雷恩加盟，今季各項比賽上陣20次，不過對慕遜加柏一仗傷出後，球會證實佢跟腱撕裂，總監路菲斯表示：「呢個消息對佢同球會都係一大打擊，但我哋會全力支持佢，過去有球員經歷類似傷患，一樣可以恢復並成為頂尖球員。」
教練沙比阿朗素亦表示會嘗試增兵：「我從來唔會否決增兵計劃，依家要先做檢討。」據報利華古遜目標人物，包括皇馬嘅艾達古拿同里昂嘅卓基。
