東網電視
更多新聞短片
沙拿同雲迪積克被睇好會續約利物浦。(Getty Images)
利物浦今季向英超、歐聯、英聯盃同英足盃「4冠王」進發，不過穆罕默德沙拿、華基爾雲迪積克同阿歷山大阿諾特3大球星續約遲遲未有聲氣，「紅軍」名將科拿近日就爆料，指利物浦可能已同其中2人續約，只係暫時未正式公開。
科拿喺《PrimeVideoSport》爆料：「我有個理論，唔知同真相有幾多落差，我相信有2人已經完成續約，只係因為某啲原因未官宣。一個好簡單嘅事實係，利物浦唔可能依家宣布2個球員續約，因為剩低未續嗰個會承受巨大壓力。」
一般估計，隊長華基爾雲迪積克續約機會最大，而穆罕默德沙拿亦多番表明希望留隊，只睇利物浦肯唔肯開出令佢滿意嘅條款，反而阿歷山大阿諾特同皇家馬德里「眉來眼去」多時，夏天自由身轉會機會唔細。
