東網電視
更多新聞短片
加普每次落場都有料到。(Getty Images)
英超「1哥」利物浦贏波停不了！周六(25日)聯賽主場對葉士域治，利物浦憑前鋒加普2射1傳，輕鬆大勝4比1穩坐榜首。加普連續6場主場聯賽做正選都入波，更打破尹佩斯同雲尼斯達萊紀錄，認真犀利！
利物浦今場繼續輪換，不過戰鬥力絲毫未減，蘇保斯拉爾11分鐘先開紀錄，35分鐘加普傳中畀穆罕默德沙拿頂入，完半場前加普再入1粒，呢位荷蘭國腳66分鐘頭槌頂成4比0，葉士域治就喺90分鐘破蛋。
加普今季唔係必然正選，但每次落場都交到貨，近6次喺晏菲路球場正選踢英超都有入波，超越尹佩斯同雲尼斯達萊(連續5場英超主場正選入波)，成為荷蘭球員喺英超第1人。
利物浦領隊施洛賽後大讚球隊演出「完美」：「我哋踢得好有侵略性，主宰咗85分鐘比賽，對手連半場都過唔到，呢85分鐘表現接近完美。贏波唔係咁易，但我哋做得好好。」
