東網電視
更多新聞短片
馬克古希渴望參加歐聯。(Getty Images)
利物浦中堅華基爾雲迪積克(VVD)將於今夏約滿，雖然佢好大機會續約，但呢位荷蘭國腳已經33歲，紅軍亦需要為佢搵接班人。根據英國《太陽報》爆料，利物浦睇中水晶宮隊長馬克古希，呢位24歲英格蘭國腳亦願意加盟紅軍，佢可能等踢完今季後，正式轉會。
馬克古希出身於車路士青訓系統，2021年轉投水晶宮，成為絕對主力，近年晉身英格蘭大國腳，奠定正選位置，協助「三獅兵團」打入上年歐國盃決賽。馬克古希唔止防守穩陣，更不時後上攻門有斬獲，獲得利物浦、紐卡素等多間大球會垂青。
據悉馬克古希渴望參加歐聯，並以加盟利物浦為首選，呢位天才中堅只剩下1年半合約，佢一心想入豪門，預料唔會續約，水晶宮唔排除今夏出售馬克古希，估計佢現價為4,000萬鎊(約3.86億港元)，利物浦絕對畀得起。
