東網電視
更多新聞短片
利華古遜後勁凌厲。(Getty Images)
利華古遜再演「絕地逃亡」好戲！周四(6日)凌晨德盃8強，利華古遜喺先落後2球下，96分鐘絕地追和2比2，再喺加時戰入波3比2反勝科隆晉級4強。
利華古遜上季有18個入球係90分鐘之後先攻入，今場佢哋主場對德乙嘅科隆，踢到54分鐘就輸到0比2，不過利華古遜再展示凌厲後勁，柏德列舒希克61分鐘追番1粒，呢位捷克射入補時6分鐘頭槌頂成2比2，令比賽進入加時，邦尼菲斯98分鐘射入致勝球，帶領利華古遜反勝晉級。
利華古遜教練沙比阿朗素賽後表示：「今場比賽非常困難，對手部署得好出色，但球員有好好嘅反應，或者今場唔係表現特別好，不過展示出決心同自信，奮鬥到最後1分鐘，保持耐性同隊型，所以我好開心。」
