東網電視
更多新聞短片
艾方素戴維斯續約至2030年6月。
德甲勁旅拜仁慕尼黑正式宣布同左後衞艾方素戴維斯續約至2030年6月，年薪達到2,000萬歐元(約1.62億港元)，粉碎皇馬今夏免轉會費簽入呢位24歲加拿大國腳嘅美夢。
艾方素戴維斯原本今夏約滿，由於佢要求大幅加薪，導致續約談判一度陷入僵局，並引來皇馬爭奪。拜仁會方最終同意向呢位「帶刀侍衞」提供一份年薪2,000萬歐元嘅5年合約，令佢成為隊內第2高薪球員，僅次於射手哈利卡尼。
艾方素戴維斯續約後話：「好開心可以同呢間偉大球會續約，我18歲就加盟拜仁，每一日都盡力去學習，提升自己能力，踢好自己嘅位置，好期待未來5年，再為球隊奪得更多錦標。」艾方素戴維斯至今為拜仁各項賽事上陣220場，射入12球及34次助攻，捧過5次德甲、1次歐聯等多項冠軍。
