東網電視
更多新聞短片
葛迪遜公園球場今仗火藥味十足。(Getty Images)
愛華頓同利物浦嘅「默西賽德郡打吡」向來飛沙劈石，今場兩隊唔少攔截都相當「勇武」，賽後更爆出引發4張紅牌嘅大混戰。今場係愛華頓有過百年歷史嘅葛迪遜公園球場最後一次「默郡打吡」，領隊莫耶斯就話今場嘅火藥味，「弗」晒用嚟做告別戰。
愛華頓今個夏天將進駐5萬人新球場，今場係葛迪遜公園最後一次迎接利物浦，作客嘅利物浦球迷亦唔客氣，拉橫額諷刺愛華頓30年未贏過冠軍，寫住：「至少你哋個獎盃櫃係空嘅，搬走都容易啲。」愛華頓中場杜哥利完場後去挑釁還擊，結果引爆大混亂。
莫耶斯賽後表示：「成場波都好混亂，好似去返以前舊式嘅打吡，完場後嘅事唔應該係話題，全晚嘅氣氛同情緒都好高漲，感覺一流！愛華頓要喺葛迪遜球場最後日子，盡力拎到最好成績，球迷今場嘅支持係不可思議，最後嘅結局『弗』晒呢場打吡。」
