東網電視
更多新聞短片
柏基達下月會接受英足總聆訊。(Getty Images)
韋斯咸中場盧卡斯柏基達涉嫌透過拎黃牌，被指控「局部操控比賽」，案件近日又有新發展。柏基達上星期返巴西，向參議院外交委員會完成作供，消息指報告入面提到，柏基達係以故意拎黃牌方式，當作送畀佢哥哥嘅生日禮物。
英國《每日郵報》報道，柏基達喺巴西完成作供，今次作供同英足總嘅起訴無關，巴西當局亦唔會有進一步行動，不過巴西議會嘅629頁調查報告中，就指控柏基達曾承諾哥哥馬菲奧斯，話會喺哥哥3月12日當中比賽拎黃牌，當作送畀佢嘅生日禮物。
柏基達被控喺2022年對李斯特城、2023年對列斯聯、阿士東維拉同般尼茅夫合共4場，故意拎黃牌影響投注市場結果，而韋斯咸對阿士東維拉嘅「可疑賽事」，正正就係3月12日舉行。
