東網電視
更多新聞短片
阿古路語出驚人。
曼城日前喺歐聯附加賽首回合輸畀皇家馬德里，除咗球員同球迷失望，最「大鑊」相信係阿根廷名將阿古路，呢位曼城傳奇賽前公開宣稱，如果曼城輸波佢就「切蛋蛋」，依家大批網民齊齊要求佢找數！
作為曼城傳奇球員，阿古路喺附加賽首回合前，喺網上節目表示：「皇馬冇可能贏到曼城，如果佢哋贏曼城，我就切走我嘅睪丸！」好不幸曼城喺兩度領先下，補時被皇馬反勝3比2。
大批網民即時去社交網叫阿古路找數：「為阿古路蛋蛋祈禱」、「阿古路唔好扮冇睇波」、「阿古路第二朝會發現被綁喺醫院病床」。
雖然大家都知阿古路唔會找數，不過佢都付出代價，賽前佢又貼出對呢場波嘅1萬美元下注，阿古路買上半場會有2個入球，但最終只得艾寧夏蘭特一個入波出現。
