東網電視
更多新聞短片
祖迪比寧咸對被逐感驚訝。(Getty Images)
皇家馬德里喺周六(15日)西甲再度失分，作客被奧沙辛拿逼和1比1，英格蘭中場祖迪比寧咸上半場被逐成為失分罪人。據報球證因比寧咸爆粗辱罵而出示紅牌，不過教練安察洛堤賽後表示，比寧咸當時只係發洩自己，球證因唔識英文而理解錯誤，非常無辜。
皇馬今場15分鐘就由基利安麥巴比打破僵局，形勢一直佔優，但去到39分鐘出現轉捩點，球證認為比寧咸爆粗羞辱，出示紅牌趕佢出場。踢多個嘅奧沙辛拿，58分鐘再獲得12碼，安迪布迪美亞操刀追成1比1，皇馬之後亦都谷唔起，最終1比1打和失分，連續3場聯賽不勝。
安察洛堤賽後表示：「球證根本聽唔明比寧咸嘅英文，佢當時講咗句『Fxxk Off』，西班牙文意思係『咪煩我』，佢只係發洩，球證以為佢講『Fxxk You』鬧人。」事實上，西班牙電視台影到比寧咸當時的確唔係爆粗鬧人，消息指呢位英格蘭國腳有望逃過停賽處分。
