東網電視
更多新聞短片
馬迪爾希臘重生。
安東尼馬迪爾去年夏天離開曼聯，轉投希臘AEK雅典獲得重生，至今上陣19場取得9球2助攻，復甦原因其實好簡單，就係得到信任同穩定上陣時間。
英國傳媒報道，馬迪爾去到希臘，就獲得球會信任同穩定上陣時間，完全唔使擔心下場有冇得踢，可以專心練波同準備比賽，所以表現亦穩步向前。
AEK雅典一名消息人士表示：「當年C朗重回曼聯，本來已經冇乜上陣機會嘅馬迪爾，仲要面臨證明自己嘅巨大壓力，因此導致傷病問題。」
該人士繼續指出：「同好多前曼聯球員接觸，發現佢哋嘅問題係乏缺信任，當意識到好難獲得常規上陣時間，信心就會受到損害。」
馬迪爾現時在AEK雅典各項指標良好，體檢數據亦正常，狀態甚佳，相信同離開曼聯，去到適合比賽嘅環境有莫大關係。
