東網電視
更多新聞短片
安東尼打甩紅牌引起爭議。(Getty Images)
皇家馬德里同西甲賽會紛爭愈演愈烈！由曼聯外借貝迪斯嘅翼鋒安東尼馬菲奧斯，周四(27日)成功打甩上場拎嘅紅牌，周日(2日)凌晨聯賽將可以披甲鬥皇馬。據報皇馬對判決非常不滿，認為西甲已經全天候狙擊皇馬，包括今次用安東尼「借刀殺人」。
安東尼近期喺貝迪斯狀態巔峰，不過上仗完場前過勇飛鏟食紅牌，原本今輪對皇馬要停賽，不西甲賽會周四(27日)接納貝迪斯上訴，認為安東尼雖然動作魯莽，但佢最後已經收腳，並唔算嚴重犯規，所以取消佢嘅紅牌處分。
皇馬對判決就非常不滿，有內部人直向《阿斯報》表示：「西甲對皇馬嘅狙擊已經唔理法律，可以任何取消一張球證解釋得好清楚嘅紅牌，西甲對皇馬宣戰後，已經展開海、陸、空式侵襲，話事人泰拔斯公開攻擊安察洛堤、安排皇馬休息時間比對手少，依家再取消安東尼紅牌，我哋一定要奮力抵抗。」
