東網電視
更多新聞短片
曼城今場要去到尾段先贏到普利茅夫。(Getty Images)
周日(2日)凌晨英格蘭足總盃第5圈，曼城主場3比1擊敗普利茅夫，摧毀今屆賽事嘅「童話」，不過曼城亦付出沉重代價，事關中堅尼敦阿基受傷離場，領隊哥迪奧拿賽後表示會「想念佢」，暗示該荷蘭球星面臨長抖。
英冠球會普利茅夫今屆先後淘汰賓福特同利物浦，童話之旅嚟到作客曼城，38分鐘由泰洛夫耶路夫入波意外領先，不過曼城完半場前由小將尼高奧萊利追平。普利茅夫一直堅守，去到最後15分鐘先被尼高奧萊利再次攻陷，加上奇雲迪布尼90分鐘入波鎖定勝局，普利茅夫嘅童話之旅宣告結束。
曼城今場亦付出代價，尼敦阿基喺完半場前爭頂角球落地受傷，被逼提早退下火線，哥迪奧拿賽後表示：「又嚟！我哋又有中堅要長抖，我哋會想念尼敦阿基。好多謝球會喺冬天簽入卡胡辛洛夫同尼高奧萊利兩個中堅，否則我哋冇可能爭到下屆歐聯資格、冇可能爭奪英足盃，冇可能！」
