東網電視
更多新聞短片
熱刺今夏大換血。(Getty Images)
今季成績強差人意嘅熱刺醞釀大換血，今夏可能多達7人離隊，傳媒列出離隊清單計有李察利臣、迪姆華拿、比蘇馬、利古朗、拜恩基爾、費沙科士打及懷特曼。
英國傳媒報道，熱刺今夏清洗最大牌球員係巴西前鋒李察利臣，2022年加盟熱刺嘅李察利臣經常受傷缺陣，對球隊貢獻有限，而且同熱刺僅餘下2年合約，熱刺趁佢仍然有一定市場價值，打算今夏將佢出售套現。
前鋒線另一冗員係來自德國嘅迪姆華拿，今季上陣27場僅交出1入球3助攻，今季只有4次正選上陣，今季借用期滿後會將佢退番畀RB萊比錫。
至於一度係熱刺中場主力嘅比蘇馬，自從笑氣事件被會方罰停賽後逐漸失勢，熱刺全力栽培貝治華同艾治格雷取代佢中場位置，而且比蘇馬合約明年夏天到期，熱刺今夏好大機會將佢掛牌出售。
