東網電視
更多新聞短片
利物浦考慮過艾摩廉。(Getty Images)
利物浦去年物色高普繼任人期間，曾經考慮過魯賓艾摩廉，據報艾摩廉團隊在利物浦管理層眼中確實有過人之處，不過最後因為財務考慮，先至冇搵艾摩廉，轉而聘用戰術風格同高普接近嘅施洛，利物浦亦因此避過一劫。
英國傳媒報道，利物浦上季挑選新主帥時，艾摩廉一度入選，因為艾摩廉團隊在保持球員體能方面指標，喺歐洲頂級教練中名列前茅。
值得慶幸嘅係，利物浦最後冇揀到艾摩廉，而艾摩廉落選嘅原因，係因為利物浦管理層夠孤寒。
會方考慮到，艾摩廉嘅三中堅戰術，同高普嘅陣容配置不符，而且艾摩廉接掌士砵亭首季，一口氣簽入12名球員，共25名球員離隊，會方估計，如果按艾摩廉要求重建球隊，將會花費4億鎊，因此否決聘用該葡萄牙少帥。
