東網電視
更多新聞短片
拿達路馬天尼斯成為國米傳奇。(Getty Images)
周四(6日)凌晨歐聯16強次回合，意甲勁旅國際米蘭作客2比0輕取飛燕諾，今屆9場歐聯只係失過1球，成為入決賽一大吉兆！射手拿達路馬天尼斯今場亦榮登國際米蘭「歐聯士哥王」，可喜可賀。
國米早段頂住飛燕諾一輪急攻後，38分鐘就由馬古斯杜林窩利抽入領先；換邊後5分鐘，拿達路馬天尼斯射成2比0，就算之後有施連斯基12碼宴客，亦無阻國際米蘭帶住兩球優勢返主場踢次回合。
國米今屆9場歐聯只失1球，統計顯示，歐聯史上有7支球隊喺頭9場波失少過3球，當中全部都可以殺入決賽。國米坐擁歐洲最佳防守之外，拿達路馬天尼斯今場攻入個人第18個歐聯入波，超越傳奇馬蘇拿喺1972年創造嘅紀錄(17球)，成為國米史上歐聯/歐冠盃最多入球球員。
拿達路馬天尼斯賽後表示：「我第一個諗到嘅字係『自豪』，我從未幻想過會達成呢個成就，好多謝喺阿根廷同意大利嘅家人，以及球迷同隊友，佢哋喺逆境中一直都支持我。」
