東網電視
更多新聞短片
干拿迪未被出示紅牌引起爭議。(Getty Images)
利物浦喺歐聯16強首回合，劣勢下作客1比0擊敗巴黎聖日耳門(PSG)，不過今場出現極具爭議一幕，「紅軍」中堅伊巴希馬干拿迪從後撞跌單刀嘅巴特利巴高拿，但VAR經過近2分鐘覆核後決定唔作處分，令PSG非常憤怒，而干拿迪賽後自辯「冇用力」，力撐球證決定。
利物浦今場一直受壓，25分鐘巴高拿高速突破呈單刀姿態，干拿迪從後一拍將巴高拿撞低，估唔到乜事都冇，PSG總監甘波斯半場被影到向住球證馬沙大鬧：「呢球全世界都會判紅牌或者12碼！」為電視台評述嘅曼聯名宿里奧費迪南亦表示：「呢球一定係紅牌，難以置信嘅判決，利物浦真係好好運。」
不過，「主角」干拿迪賽後解釋：「VAR已經睇咗啦！我認為自己冇犯規，如果我有小小推撞都會食紅牌，但我可以同你講我冇！講到底，我只不過係好強壯，但係完全冇用力，我只係用咗手臂。如果我有發力都有得拗，但我根本都冇用力。」
