東網電視
更多新聞短片
方辛加一時失控鑄成大錯。
葡萄牙教練方辛加喺1月底出任里昂主帥，但只係領軍5仗就搞出大頭佛，上場聯賽被逐後情緒失控，更企圖用頭襲擊球證，周四(6日)被法國聯賽會重罰停賽9個月，據報里昂正考慮係咪將佢炒魷。
里昂上場法甲2比1贏比斯特，方辛加嘅完場前被逐，佢就衝入場「鼻貼鼻」向球證破口大罵，期間更疑似想用額頭頂向對方。球證米洛特事後表示「受到威脅」、「對方意圖用頭襲擊」，雖然方辛加之後亦公開道歉，但法國聯賽會仍決定重罰佢停賽9個月，刑期會去到11月30日先至完結。
52歲嘅方辛加季初被AC米蘭炒魷後，1月底先加盟里昂，執教5場比賽3勝2負，但依家連下季季初都冇得督師。據法國《隊報》報道，里昂正考慮係咪等待方辛加停賽後復出，唔排除會即刻將佢炒魷，另覓教練救亡。
