東網電視
更多新聞短片
保治文一直飽受傷患折磨。(Getty Images)
紐卡素今個月中會喺英聯盃決賽惡鬥利物浦，兩隊本來實力已有一定距離，但「喜鵲」近日再爆出連串傷患消息，據報中堅保治文將進行膝部手術，目前未知要休息幾長時間，但肯定無緣英聯盃決賽上陣。
荷蘭中堅保治文上年因膝部韌帶受傷長抖10個月，今年1月先至復出，不過自上月英聯盃4強贏阿仙奴後又再受傷，原本目標係決賽前復出，但英國《每日郵報》報道，保治文再受膝傷困擾，醫生建議開刀根治，未知要再抖多幾耐。
紐卡素喺決賽前不斷「折將」，安東尼哥頓上場食紅牌後，英聯盃決賽將要坐波監，另一守將賀爾日前亦宣布要做手術治療腳傷，今季提早收咧。
