東網電視
更多新聞短片
施捷斯尼表現令人喜出望外。(Getty Images)
巴塞隆拿季初因正選門將達史特根重傷，臨時搵已經退休嘅施捷斯尼復出「戥腳」，估唔到呢位波蘭老將近期擔正表現神勇。據西班牙《阿斯報》報道，巴塞已經向施捷斯尼開出新合約，認為佢下季有力同達史特根爭逐正選，而恩拿斯奧彭拿就會被掛牌出售。
34歲嘅施捷斯尼本來只係「應急方案」，所以合約只係簽到今季季尾，但隨住佢今年初搶走彭拿個正選位置後，14場比賽有12勝2和佳績，當中有8場保持不失，《阿斯報》指巴塞已經決定向佢開出新合約，寧願賣走只剩18個月合約嘅彭拿。
施捷斯尼日前亦暗示願意暫緩掛靴計劃：「如果你季初問我，我會話6月離開巴塞，但我好鍾意喺呢度嘅時間，我嘅家人好開心，我個仔鍾意呢度間學校，我老婆住得好舒適，所以我對一切持開放態度，唔需要咁心急做決定，唯一肯定嘅係我唔會加盟其他球隊。」
