東網電視
更多新聞短片
C朗同杜蘭合作火力強勁。
C朗拿度嘅「亞冠盃夢」行前一步！周二(11日)凌晨16強次回合，艾納斯有C朗再次入波，主場3比0大勝艾斯迪格拿，兩回合合計以相同比數晉級8強。
艾納斯「三叉戟」C朗、祖漢杜蘭同沙迪奧文尼合作無間，9分鐘客隊後防失誤，祖漢杜蘭乖巧笠射先開紀錄。25分鐘C朗前場截擊後，精彩後腳交畀沙迪奧文尼殺入禁區，結果博到對手犯規，C朗操刀12碼冇甩拖。尾段祖漢杜蘭再喺一次反擊入面窄位抽入，個人梅開二度，協助艾納斯大勝3比0。
40歲嘅C朗今屆亞冠盃已入7球，並列射手榜第1位，呢球亦係佢職業生涯第927球，當中464球係喺30歲生日之後攻入，比30歲之前嘅463球仲要多，真係「愈老愈可愛」！
