東網電視
更多新聞短片
穆罕默德沙拿(左)及阿歷山大阿諾特(右)疑似操練時發生爭吵。(Getty Images)
去片睇穆罕默德沙拿同阿歷山大阿諾特爭吵
利物浦喺歐聯16強被巴黎聖日耳門淘汰，賽前網上流傳一條紅軍操練期間，2位主力阿歷山大阿諾特、穆罕默德沙拿爭吵及「講手」嘅片段，被指係球隊出局導火線。
從片段可見，當時沙拿衝前，用手推向阿諾特心口，其他隊友見狀，立即介入分開兩人。雖然沙拿面露笑容，但阿諾特黑晒面，並喋喋不休同呢位前鋒爭論，沙拿亦追住佢講嘢，哈維艾利洛充當和事佬分開兩人，沙拿似乎唔滿意呢位中場「多事」，出腳踢佢屁股。
《利物浦回聲報》引述球會內部消息，指沙拿同阿歷山大阿諾特只係開玩笑，並非發生衝突，試圖為事件降溫。不過，網民就唔多相信，因為2人都好大機會今夏離隊，已經唔使再畀面對方。
阿歷山大阿諾特今場歐聯踢到73分鐘受傷退下火線，甚至有網民認為今場係佢最後1次為紅軍上陣，盛傳呢位英格蘭國腳將於今夏轉投皇馬。
