東網電視
更多新聞短片
在冬窗被曼聯外借到阿士東維拉嘅拉舒福特，預計今夏都好大機會離隊，但由於要補貼福仔嘅高人工，就算搵到買家接貨，紅魔可能只收得番2,000萬鎊轉會費。
福仔自從外借到維拉後，8次出場已交出3次助攻，明顯有翻生迹象，加上佢同曼聯主帥魯賓艾摩廉不和，今夏離隊幾成定局。依家福仔逗緊31.5鎊周薪，外借期間維拉就負擔75%，同時有權今夏以4,000萬鎊買斷佢，不過維拉負擔唔起福仔咁高人工，曼聯想送走佢就要支付一筆費用，彌補佢去到維拉要減人工嘅情況，估計要畀2,000萬鎊，即係話曼聯只能收番一半轉會費，對於莫財嘅紅魔嚟講，真係愈窮愈見鬼。
