東網電視
更多新聞短片
三笘薰長留白禮頓。(Getty Images)
三笘薰拒絕來自沙特斟介後，最近同白禮頓續約過程順利，雙方打算續約到2030年，當約滿時「3000分」係33歲，將近掛靴，所以今次續約如同一紙賣身契。
27歲嘅三笘薰早前冬季轉會窗婉拒沙特豪門艾納斯斟介，對方提出9,000萬歐元天價轉會費(約7.6億港元)，三笘薰嘅回覆係：「重未考慮去沙特，金錢並非第一位，在高水平聯賽效力更加重要。」
報道指，三笘薰拒絕沙特後仍不乏買家，先後吸引曼聯、利物浦、車路士、拜仁慕尼黑及巴黎聖日耳門關注，但佢似乎最終選擇留喺白禮頓做「三球王」。
三笘薰2021年夏天加盟白禮頓，至今上陣99場，交出21球15助攻，身價估計為4,500萬歐元。
