東網電視
更多新聞短片
魯爾今夏離開皇馬。
皇馬青年軍主帥魯爾通知會方，打算今夏離隊，重返曾效力嘅史浩克04擔任主帥，據報今次決定係因為魯爾希望執教成年隊，但皇馬未給予機會，故改到德甲發展。
魯爾球員時代被稱為「金童」，當年碧咸加盟都搶唔走佢件7號球衣，離開皇馬後轉投史浩克04兩季，在紐約宇宙隊掛靴後休息數年，2019年重返皇馬擔任青年軍教練至今。
47歲嘅魯爾一直等待擔任皇馬主教練機會，希望做安察洛堤繼任者，不過此想法已被皇馬高層拒絕，2026年約滿嘅魯爾打算提前離隊，今夏接手史浩克04教鞭，展開職業球隊主帥生涯。
皇馬同魯爾有協議，當有職業球隊提出斟介，皇馬必須放人，而史浩克04在德乙爭升班已然無望，今季餘下時間只要確定護級成功，就會換帥，改由魯爾執教。
