東網電視
更多新聞短片
舒拉普（右）被林澔希攔截。（文嘉靖攝）
1/5
「中銀人壽香港超級聯賽」周六（15日）上演榜末大戰，最終北區以2比1擊敗港會，取得今季聯賽第2勝，今場梅開二度的功臣舒拉普認為，此仗為球隊打下強心針，相信能幫助北區盡快克服低潮期。
舒拉普上半場於暴雨之下，4分鐘內連轟兩球，助球隊中止各項賽事6連敗的走勢，舒拉普形容今仗為接下來的比賽注入極大信心：「我哋主場嘅草已經算靚，不過老實講今日真係好大雨，令成場波特別難踢，但我哋都搏晒命，因為之前一路都係輸波或者和波，士氣都曾經比較低落，大家都好恨贏到呢場，令到大家信心都上番嚟，希望今季可以再入多啲波，幫球隊爭取更高排名。」
下半場舒拉普落地時手臂甩骹，需要退下火線接受治理，他表示受傷位置觸及舊患，感謝球迷打氣及關心：「依家手骹唔算好痛，呢啲傷對我嚟講都係小事，最緊要係幫到球隊贏波。多謝咁多球迷冒雨入場支持，真係畀到成隊波好大幫助同鼓勵。」
舒拉普獲足總選為全場最佳球員（POM）。（文嘉靖攝）
（文嘉靖攝）
招牌慶祝動作。（文嘉靖攝）
（文嘉靖攝）
