東網電視
更多新聞短片
曼聯聲稱財政出現困難。(Getty Images)
曼聯今季成績低迷，不過波飛就繼續加價，曼聯唔理球迷組織強烈反對，周二(18日)宣布下季(25/26球季)波飛加價5%，令球迷感到失望。
曼聯自新老闆拉特克利夫上任後，推出唔少爭議性嘅開源節流措施，早前更表明如果唔推行大裁員等手段，曼聯到今年聖誕節就會耗盡現金，宣布破產。
一如所料，曼聯並冇理會曼聯球迷信託基金之前嘅抗議，宣布下季門票票價增加5%，只有U16嘅比賽票價維持不變。
事實上，曼聯波飛加價相當狼死，上年11月就將比賽日門票價格提升到每場66鎊，而且兒童及退休人士優惠都取消，被指係想榨乾忠實球迷個荷包。
